Subvencións, en réxime de concurrencia competitiva, para proxectos de equipamento que utilicen biomasa como combustible e outras instalacións de enerxías renovables (xeotermia, aerotermia, e solar térmica), executados en Galicia para Administración local, entidades sen ánimo de lucro, empresas e autónomos.
Prazo para presentación das solicitudes: desde o 26/05/2021 ata o 27/06/2021.
Só admite a presentación electrónica.
Data límite para executar o proxecto e xustificación será o 15 de xullo de 2021.
A cuantía máxima da axuda será calculada en función da potencia instalada e do tipo de instalación e terá as seguintes intensidades máximas por beneficiario:
-Entidades locais: 80%
-Entidades xurídicas sen ánimo de lucro (sen actividade económica): 80%
-Pequena empresa: 70%
-Mediana empresa: 60%
A cuantía máxima da axuda por proxecto de biomasa será 250.000€, por proxecto de aerotermia e xeotermia será de 100.000€, e por proxecto de solar térmica será de 15.000€.
Fonte: www.inega.gal